فكرت فى الاعداد لبعض الموضوعات التاريخية لنشرها فى الدستور فى شهر رمضان المبارك .... هذا الامر يحتاج الى كتب ... قمت بالذهاب الى سور الاذبكية سيرا على الاقدام وبعض أن ظننت أنى قد بلغت غايتى تلفت حولى فلم أجد لا سورا ولا كتبا :
-لوسمحت يا كابتن أومال سور الاذبكية فين والله؟
- ههههه ... أنت لسه فاكر ..دا شالوه يا بيه من زمان ؟
- يعنى دلوقتى مفيش سور أزبكية ؟
- لا مفيش ........... كنت اصدق للحظة ... ولكنى تذكرت أن كنت قد سمعت انهم نقلوه .فقد بالاتصال بالصحفى الطيب اللى بيستحمل رزالتى :
- ازيك يا استاذ سمير ... عامل ايه وحشتنى .. بقلك ... أومال سور الازبكية فين ؟
- يالهوى .. انت عايش فى البلد دى ازاى ؟ ... اسمع... السور فى العتبة .
... سيرا على الاقدام ... مرورا من نفق مترو العتبة وصلت المكان المسمى .
- لو سمحت يا عمنا والنبى فين سور الازبكية
- مش هنا هييجى بعد شهر
- هييجى بعد شهر ..هوه مسافر ولا ايه
لم يستعنينى الرجل ولم يرد عليا جوابى ..فاتصلت بصديقى الطيب سمير حسين
- سمير حبيب قلبيب .. ش عرفت دا طلع مافيش سور
- ههههههههههههه .... بقلك اطلع على 26 يوليو هتلاقى ناس فارشة على الارض ... دور .... هسيبك على خيرة الله
سيرا على الاقداد والشمس تلفح قفايا وجبهتى المعتصرة عرقا وصلت26 يوليو فلم أجد باعة كتب قديمة ووجدت باعة الجرائد الذين يعرضون كتب جديدة للبيع ...وليس هذا مبتغاى فدراهمى معدودة وانى على الكتب الجديدة لمن الزاهدين سألت على بعض الكتب فكانت الردود غير موفقة ولا مريحة لى على الاطلاق ..
40 ، 60، .....
كان سحر الكتاب جذابا لا يقاوم وقلة المال مريرة مرارة العلقم ... كان بودى أن أشترى وأن أقرأ ... ولكنه الفقر ..لماذا حطموك أيها السور العظيم .. ألا يبقى للفقراء أمثالى شىء فيك يا وطنى ...؟
ليست هناك تعليقات:
Write التعليقات